Birinci Qarabağ müharibəsində itkin düşmüş hesab edilən Sərdar İsmayılov dəfn edilib.
Oxu.Az "Report"a istinadla xəbər verir ki, onun nəşi Astanlı kənd qəbiristanlığının Şəhidlər cərgəsində torpağa tapşırılıb.
Dəfn mərasimində şəhidin doğmaları, Neftçala rayonunun rəsmi şəxsləri, hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər.
Qeyd edək ki, Sərdar Cəfər oğlu İsmayılov 1971-ci il avqustun 27-də Neftçalanın Astanlı kəndində anadan olub. 1992-ci il oktyabrın 25-də Ağdərə rayonunun Çıldıran kəndində itkin düşüb.
Qaynar xətt:
(055) 224 12 12
