Novella Cəfəroğlu: “Leyla Yunusu it kimi qovmaq lazımdır”

Mən ömür boyu nə fikirləşmişəm onu da demişəm və təəssüf ki, virtualaz.org mənim fikirlərimi olduğu kimi təqdim etməyib.

Bu barədə Gün.Az-a açıqlamasında hüquq müdafiəçisi Novella Cəfəroğlu deyib.

O bildirib ki, “Freedom House” təşkilatının nümayəndələri gələndə onlarla görüşmür:

“İki-üç nəfər hüquq müdafiəçisi var ki, ancaq onlarla görüşürlər. İkincisi mən “qələt edir” sözünü deməmişəm, bu mənum leksikomumda yoxdur.

Mən demişəm ki, düzgün monitorinq aparmırlar, əgər monitorinq düzgün aparılsaydı, qonşu Ermənistan, Gürcüstan, Rusiya, hazırda isə Türkiyədəki vəziyyəti görərdilər. Bu ölkələrdə vəziyyət bizdən açınacaqlıdır”.

N.Cəfəroğlu həmin ölkələrin hamısında siyasi məhbusların və jurnalistlərin həbsdə olduğunu deyib.

Müsavat Partiyasından onun partiyadan çıxarılmasına dair səslənən fikirlərə, hüquq müdafiəçisi Leyla Yunusun qaynı Ramiz Yunusun (Arif Yunusun qardaşı) “mənə qalsa, onu Müsavatdan iti qovan kimi - ifadə ona məxsusdur – qovardım” ifadəsinə münasibət bildirən N.Cəfəroğlu deyib ki, sözə görə partiyadan uzaqlaşdırmaq kimi fikirlər doğru deyil.

“Mən yüz söz deyə bilərəm, sözə görə adamı partiyadan uzaqlaşdırırlarsa, onda bunların nə fərqi hökumətdən. Məni qınaya, söz deyə bilərlər amma Musavatdan çıxarılmağımı Leyla Yunus görməyəcək.  

Mən Azərbaycana işləyən insanam, Leyla Yunus ömrü boyu Rusiyaya işləyib. Ömür boyu Rusiyanın əlində olub, indiyə kimi deməmişəm indi deyirəm. Rusiyanın agenti olub hər zaman, ağzımı açdırmasın. O və qaynı kimilər sadəcə mənim nüfuzuma paxıllıq edirlər”.

N.Cəfəroğlu deyib ki, nə Leyla Yunus, nə əri, nə qaynı heç vaxt onu maraqlandırmayıb:

“Mən onunla özümü müqayisə edə bilmərəm. 20 ildən çoxdur yol gələn insanam. Leylanı it kimi qovmaq lazımdır. Vaxt gələcək bütün məsələlər açılacaq, müharibə vaxtı onun kimlə işlədiyi, müharibədən sonra necə işlədiyi məlum olacaq.

Vaxtilə onun Müdafiə Nazirliyində işi sayəsində bu günə düşdük. Onun çox işlərini bilirik amma yenə də demirik. Mən vətənimi sevib danışıram. Azərbaycanı təhqr etməyə heç kimə imkan verməyəcəyəm, yenə də deyərəm ki, Azərbaycanı son pillədə saxlamağa ixtiyarları yoxdur”.