Ən son xəbərləri bizim "X" səhifəmizdə izləyin

Operativ nəqliyyat vasitələrinin siyahısında dəyişiklik edilir
Minatəmizləmə əməliyyatlarında istifadə edilən xüsusi təyinatlı nəqliyyat vasitələri operativ nəqliyyat vasitələri hesab edilə bilər.
"Report" xəbər verir ki, bununla bağlı məsələ yeni hazırlanan "Minatəmizləmə fəaliyyəti haqqında" qanun layihəsində əksini tapıb.
Layihədə qeyd olunub ki, səlahiyyətli qurumun minatəmizləmə əməliyyatlarında təcili və təxirəsalınmaz tədbirlərin yerinə yetirilməsi, habelə partlayıcı sursatların daşınmasında istifadə edilən xüsusi təyinatlı nəqliyyat vasitələri operativ nəqliyyat vasitələri hesab ediləcək.
Məlumat üçün bildirək ki, hazırda yanğından mühafizə, polis, təcili tibbi yardım, qəza-xilasetmə bölmələrinin, hərbi avtomobil müfəttişliyinin və feldyeger rabitəsi orqanının, funksional tapşırıqlarının yerinə yetirilməsi, pul mədaxilinin inkassasiyası və qiymətli yüklərin daşınması, Azərbaycanın ali vəzifəli şəxslərinin mühafizəsi vəzifələrinin icrası üçün nəzərdə tutulan, milli operatora məxsus olan və poçtun daşınmasında istifadə edilən avtomobillər operativ nəqliyyat vasitələri siyahısında yer alıb.
"Minatəmizləmə fəaliyyəti haqqında qanun" teqi üzrə xəbərlər
- Prezident "Minatəmizləmə fəaliyyəti haqqında" qanunu TƏSDİQLƏDİ
- "Minatəmizləmə fəaliyyəti haqqında" yeni qanun layihəsi son oxunuşda qəbul edilib
- Operativ nəqliyyat vasitələrinin SİYAHISI genişləndirildi
- Milli Məclisdə minatəmizləmə fəaliyyəti ilə bağlı TƏKLİF
- Azərbaycanda minatəmizləmə ilə bağlı yeni qanun layihəsi hazırlandı