Oxu.Az “Mobil reportyor” rubrikasına başlayır

Oxu.Az bu gündən etibarən “Mobil reportyor” rubrikasına başlayır. 

Oxucularımıza bildirmək istəyirik ki, bundan sonra onların çəkdikləri foto və videomateriallar Oxu.Az-da çap olunmaq şansı əldə edəcəklər.

Bunun üçün rastınıza çıxan maraqlı hesab etdiyiniz görüntüləri mobil telefonunuz, planşetiniz və ya peşəkar kameranız vasitəsilə çəkib bizə göndərməyiniz lazımdır. Redaktorlarımız göndərilən materialların içindən maraqlı olanları seçib paylaşacaqlar.

Bir neçə sadə şərtə əməl etsəniz, materiallarınızın çap olunmaq şansı daha da çoxalar. 

1. Həm video, həm də fotoçəkilişlər zamanı çalışın telefonunuzu vertikal deyil, horizontal olaraq tutasınız. 

2. Həm video, həm foto çəkərkən çalışın əlinizi çox əsdirməyəsiniz və qəfil hərəkətlər etməyəsiniz.

3. İnsanlara maraqlı ola biləcəyini düşündüyünüz materialları bizə göndərin. 

Çəkdiyiniz foto və videoları bizim “WhatsApp” nömrəmizə, “Facebook” səhifələrimizə və ya emailimizə göndərə bilərsiniz.

WhatsApp: +994559453399
Gmail: [email protected]
Facebook: azxeberler, aznovosti, oxu.azz

İsmayıl Nur

www.oxu.az