Bakıda intihara cəhd hadisəsilə bağlı avtomobillərin sıxlığı yaranıb.
Nəqliyyat Nazirliyinin Nəqliyyatı İntellektual İdarəetmə Mərkəzindən (NİİM) Oxu.Az-a verilən məlumata görə, Bakının mərkəzi prospektlərindən birində - Heydər Əliyev prospektində tıxac yaranıb.
Məlumata əsasən, avtomobillərin sıxlığı Heydər Əliyev prospektinin “Koroğlu” stansiyası yaxınlığından keçən hissəsində müşahidə olunur.
Qeyd edək ki, metronun “Koroğlu” stansiyası yaxınlığında kişi intihar etmək məqsədilə körpüyə çıxıb.
Hadisə yerinə Fövqəladə Hallar Nazirliyinin xilasediciləri cəlb olunub.
Hazırda intihar etmək istəyən şəxsi fikrindən daşındırmaq üçün danışıqlar aparılır.
Artıq intihar etmək istəyən şəxsin adı məlum olub. Körpüdən özünü atmaq istəyən şəxs Fəqan Nəsibovdur.
Elvin Əhmədov
www.oxu.az
