Bakıda ağır yol qəzası baş verib.
Oxu.Az Lent.az-a istinadən xəbər verir ki, Sabunçu rayon Polis İdarəsindən verilən məlumata görə, Zabrat qəsəbəsi Şəhər şosesində naməlum avtomobil 54 yaşlı qadını vurub.
Qadın hadisə yerindəcə keçinib. Hadisəni törədən sürücü avtomobili ilə birgə hadisə yerindən uzaqlaşıb.
Faktla bağlı araşdırmalara başlanılıb. Qəzanı törədən şəxsin müəyyən edilməsi istiqamətində iş aparılır.
