"Qərbi Azərbaycan ərazisində mövcud olmuş 740 müsəlman məzarlığının coğrafi koordinatları dəqiqləşdirilib".
Oxu.Az Teleqraf.az-a istinadla xəbər verir ki, bu barədə Qərbi Azərbaycan İcmasının rəhbəri, deputat Əziz Ələkbərli Qafqaz Müsəlmanları İdarəsində (QMİ) birgə təşkil olunan toplantı zamanı deyib.
İcma sədri qeyd edib ki, həmin müsəlman qəbiristanlıqlarının böyük hissəsi hazırda yox edilməkdədir:
"Məzarlıqların bəzilərinin yerində erməni qəbiristanlıqları yaradılıb. Bu vandallıq faktı beynəlxalq ictimaiyyətin diqqətinə çatdırılmalıdır. Qeyd edilən istiqamətdə QMİ ilə birgə fəaliyyət göstərilməli və tədbirlər görülməlidir".
