“Qobu Park” yaşayış massivində dayanacağın dağılma səbəbi bilindi - RƏSMİ AÇIQLAMA - YENİLƏNİB + VİDEO

“Qaradağ rayonu, Lökbatan qəsəbəsi, “Qobu Park” yaşayış massivinin girişində quraşdırılan dayanacaq güclü külək səbəbindən dağılıb”.

Bu məlumat Oxu.Az-a Azərbaycan Yerüstü Nəqliyyat Agentliyinin (AYNA) Mətbuat Xidmətindən verilib.

Məlumatda qeyd olunub ki, 4 aprel tarixində baş verən güclü külək səbəbindən paytaxtın bir neçə ərazisində dayanacaq pavilyonları zərər görüb:

“AYNA-nın əməkdaşları tərəfindən dayanacaq məntəqələrinə baxış keçirilərək, zədələnmiş konstruksiyalar bərpa edilib, yararsız elementlər ərazidən götürülüb. Pavilyonların bərpası istiqamətində təxirəsalınmaz işlər görülür. Sözügedən ünvanda dayanacaq pavilyonu yaxın zamanda bərpa ediləcək”.

10:56

“Qobu Park” yaşayış massivinin girişindəki dayanacaq yol-nəqliyyat hadisəsi nəticəsində dağılmayıb”.

Bunu Oxu.Az-a açıqlamasında Baş Dövlət Yol Polisi İdarəsinin İnspektoru Elvin Hacıyev deyib.

O, qeyd edib ki, hadisə baş verən əraziyə DYP əməkdaşları baxış keçiriblər:

“Ərazidə yol-nəqliyyat hadisəsi qeydə alınmayıb və yol hərəkət iştirakçılarına heç bir zərər dəyməyib”.

09:46

Qaradağ rayonu, Lökbatan qəsəbəsi, “Qobu Park” yaşayış massivinin girişində quraşdırılan dayanacaq dağılıb.

Bu barədə Oxu.Az-a sakinlər xəbər veriblər.

Qeyd olunub ki, dayanacağın hansı səbəbdən dağılması və ya dağıdılması məlum deyil.

Videonu təqdim edirik: 

Əzizə İsmayılova