Sakinlərin NƏZƏRİNƏ: Bəzi ərazilərdə qaz olmayacaq

Sabunçu rayonunda qaz xətlərinin təhlükəsiz əraziyə köçürülməsi, həmçinin "Quşçuluq" qaz xətləri üzərində quraşdırılmış tənzimləyicilərin yeniləri ilə əvəzlənməsi məqsədilə iyunun 24-ü saat 09:30-dan etibarən qaz təchizatı dayandırılacaq.

Oxu.Az xəbər verir ki, bu barədə Azərbaycan Dövlət Neft Şirkətinin (SOCAR) "Azəriqaz" İstehsalat Birliyindən məlumat verilib.

Təmir-quraşdırma işləri aparılan müddətdə Sabunçu rayonu üzrə Nardaran, Ramana, Sabunçu və Maştağa qəsəbələrinin bir hissəsinin, Suraxanı rayonunda isə Deputatski küçəsinin bir hissəsinin qaz təchizatında müvəqqəti fasilə yaranacaq.

17:15

Sabirabad rayonunun daha bir kəndinin qaz təchizatında fasilə yaranacaq.

Oxu.Az xəbər verir ki, "Payız-Qış" mövsümünə hazırlıqla bağlı tədbirlər planında nəzərdə tutulmuş işlərin icrası məqsədi ilə Sabirabad rayonunun Zəngənə kəndində yeni 500 m³/saat ŞQTM-in quraşdırılması məqsədilə əlaqədar 24.06.2025-ci il saat 10:00-dan etibarən quraşdırılma işləri başa çatanadək Zəngənə kəndində (ümumi 618 abonent) qaz təchizatının daxildən dayandırılması planlaşdırılır.

Qeyd edək ki, diametri 315 mm-lik PE "Ulacalı-Qaragüney" ortatəzyiqli yeraltı qaz kəməri üzərində quraşdırılmış D300 mm-lik siyirtmənin flyans birləşmələrində yaranmış qaz sızmasının aradan qaldırılması məqsədilə 24.06.2025-ci il saat 10:00-dan etibarən işlər başa çatanadək Sabirabad rayonunun Ulacalı, Mürsəlli, Şıxlar, Qaralar, Məmişlər, Kürkəndi, Əsədli, Qəfərli, Suqovuşan, Bulduq, Ətcələr, Həşimxanlı, Axtaçı-Muğan, Qaratoğay, Osmanlı, Şıxsalahlı, Qaragüney kəndlərində (ümumi 7 846 abonent) də qaz təchizatının daxildən dayandırılması planlaşdırılır.

16:28

Sabirabad rayonunun 17 kəndində qaz təchizatı dayandırılacaq.

Oxu.Az xəbər verir ki, bu barədə Salyan Regional Qaz İstismarı İdarəsi məlumat yayıb.

Bildirilib ki, diametri 315 mm-lik PE "Ulacalı-Qaragüney" ortatəzyiqli yeraltı qaz kəməri üzərində quraşdırılmış D300 mm-lik siyirtmənin flyans birləşmələrində yaranmış qaz sızmasının aradan qaldırılması məqsədilə 24.06.2025-ci il saat 10:00-dan etibarən işlər başa çatanadək Sabirabad rayonunun Ulacalı, Mürsəlli, Şıxlar, Qaralar, Məmişlər, Kürkəndi, Əsədli, Qəfərli, Suqovuşan, Bulduq, Ətcələr, Həşimxanlı, Axtaçı-Muğan, Qaratoğay, Osmanlı, Şıxsalahlı, Qaragüney kəndlərində (ümumi 7 846 abonent) qaz təchizatının daxildən dayandırılması planlaşdırılır.