Sabunçuda baş verən qəzada xəsarət alan şəxsin son durumu AÇIQLANDI

Bakının Sabunçu rayonunda yol-nəqliyyat hadisəsi zamanı xəsarət alan şəxs öz istəyi ilə ambulator müalicə üçün evə buraxılıb.

Bu barədə Oxu.Az-ın sorğusuna cavab olaraq Tibbi Ərazi Bölmələri İdarəetmə Birliyindən (TƏBİB) məlumat verilib.

"Yanvarın 2-də saat 23:40-da 1979-cu il təvəllüdlü şəxs (kişi cinsli) Sabunçu Tibb Mərkəzinə hospitalizasiya olunub.

Döş qəfəsinin və baş-beynin əzilməsi diaqnozu ilə ona zəruri tibbi yardımlar göstərilib və lazımi instrumental müayinələrdən keçirilib. Vəziyyəti orta ağır stabil qiymətləndirilən şəxs öz istəyilə ambulator müalicə üçün evə buraxılıb", - deyə məlumatda qeyd olunub.

Aygün Mirakif

08:10

Bakının Sabunçu rayonunda yol-nəqliyyat hadisəsi baş verib.

"Report" un məlumatına görə, iki avtomobilin toqquşması nəticəsində 1979-cu il təvəllüdlü Vasif Vaqif oğlu Səfərov xəsarət alıb.

Yaralı müxtəlif dərəcəli xəsarətlərlə xəstəxanaya çatdırılıb.

Faktla bağlı araşdırma aparılır.