Mayın 31-də Masazırın bir hissəsində elektrik enerjisinin verilişində fasilə olacaq.
Bu barədə Oxu.Az-a "Azərişıq" ASC-dən məlumat verilib.
Qeyd olunur ki, Abşeron Rayon Enerji Təchizatı və Satışı İdarəsi (RETSİ) ərazisində yerləşən 110/35/10 kV-luq "Masazır" yarımstansiyasında təmir-təftiş işləri həyata keçiriləcək.
Bununla əlaqədar olaraq saat 09:00-dan 17:00-dək Abşeron rayonu, Masazır qəsəbəsinin bir hissəsində elektrik enerjisinin verilişində məhdudiyyət yaranacaq. Təmir işləri başa çatdıqdan sonra ərazi daha keyfiyyətli elektrik enerjisi ilə təmin olunacaq.
Qaynar xətt:
(055) 224 12 12
