Şamaxıda baş verən ağır yol-nəqliyyat hadisəsi zamanı bir nəfər ölüb, iki nəfər xəsarət alıb.
Oxu.Az-ın regional müxbirinin verdiyi xəbərə görə, hadisə Bakı-Şamaxı-Yevlax avtomobil yolunun 127-ci km-də, Meysəri kəndi yaxınlığında qeydə alınıb.
Qəbələ rayonu, Əmirvan kənd sakini, 1982-ci il təvəllüdlü Zəkərayev Dəyanət Saslan oğlunun idarə etdiyi minik avtomobili idarəetməni itirərək yolun kənarındakı ağaca çırpılıb.
Nəticədə, avtomobildə olan sərnişin, sürücünün həyat yoldaşı 1989-cu il təvəllüdlü Zəkərayeva Pərvanə Rəcəb qızı hadisə yerində dünyasını dəyişib.
Digər sərnişin, İsmayıllı rayonu, Yenikənd kənd sakini, 1987-ci il təvəllüdlü Mirzəyev Orxan Cümşüd oğlu və sürücü ağır vəziyyətdə Şamaxı rayon Mərkəzi Xəstəxanasına yerləşdirilib.
Hadisənin dəqiq səbəbləri araşdırılır.
Şamaxıda ər qəza törətdi, arvadı öldü - FOTO/VİDEO
Rəşad Aydın
Rəylər