Şəmkirdə ağır yol qəzası olub, ölənlər və yaralananlar var - YENİLƏNİB

Şəmkirdə avtomobil qəzası zamanı xəsarət alanların adları məlum olub.

"Report"un məlumatına görə, xəsarət alanlar "QAZel" markalı kiçik tutumlu yük maşınında olan Ağstafa rayon sakinləri, 1982-ci il təvəllüdlü Şahin Siyavuş oğlu Məmmədov və Ədalət Bayramovdur.

Qəza nəticəsində dünyasını dəyişənlərin şəxsiyyəti isə dəqiqləşdirilir.

Qeyd edək ki, hadisə Bakı-Qazax avtomobil yolunun Şəmkir rayon Dəllər Cəyir kənd ərazisindən keçən hissəsində, "QAZel" markalı kiçik tutumlu yük maşınınla "QAZ-31" markalı avtomobillərin toqquşması nəticəsində baş verib.

Faktla bağlı araşdırma aparılır.

00:57

Şəmkir rayonunda ölümlə nəticələnən ağır yol-nəqliyyat hadisəsi baş verib.

“Report” xəbər verir ki, hadisə Bakı-Qazax avtomobil yolunun Şəmkir rayon Dəllər Cəyir kənd ərazisindən keçən hissəsində olub.

İlkin məliumata görə, qəza nəticəsində 3 nəfər ölüb 2 nəfər yaralanıb.

Hadisənin təfərrüatları araşdırılır.