Şəmkir Maşın-Kanal 2-ci pillə nasos stansiyasının 2-ci kilometrində hidro təzyiq nəticəsində metalın aşınması boruda qəzaya səbəb olub. Qəzanın baş verdiyi andan etibarən Şəmkir Maşın-Kanalının İstismarı İdarəsi tərəfindən dərhal tədbirlər görülüb və qəza aradan qaldırılıb. Hazırda borunun təmiri və bərpası istiqamətində işlər davam etdirilir.
Oxu.Az xəbər verir ki, bu barədə Azərbaycan Dövlət Su Ehtiyatları Agentliyinin (ADSEA) yaydığı məlumatda qeyd edilib.
"Məlumat üçün qeyd edək ki, boru vasitəsilə ötürülən su suvarma məqsədilə istifadə olunur və qəza nəticəsində nə əkin sahələrinə, nə də mülki şəxslərə hər hansı zərər dəyməyib. Ətrafa axan su nasos stansiyanın suqəbuledici qurğusuna istiqamətlənib", - məlumatda qeyd edilib.
Şəmkir rayonunda su anbarına gedən boru kəmərində yaranan problem aradan qaldırılır.
Bu məlumat Oxu.Az-ın sorğusuna cavab olaraq Azərbaycan Dövlət Su Ehtiyatları Agentliyindən (ADSEA) verilib.
Qeyd olunub ki, hadisə suyun təzyiqi səbəbindən baş verib.
"Sözügedən boru kəməri 1988-ci ildən istismar olunur. Suyun verilişi zamanı təzyiq nəticəsində qaynaq yerində qəza olub. İndi həmin hissə kəsilib, yenilənir. Hazırda ərazidə ciddi iş gedir.
Günün sonuna kimi işlər yekunlaşacaq və ərazidə suyun verilişi təmin ediləcək", - deyə məlumatda bildirilir.
Şəmkir rayonunda su anbarına gedən boru xəttində qəza baş verib.
Oxu.Az xəbər verir ki, hadisəyə dair görüntülər sosial şəbəkələrdə yayılıb.
Məlumata görə, partlayışa məruz qalan boru Kür çayından Qaracəmilli kanalına su nəql edən xəttə aiddir.
Qəzanın hansı səbəbdən baş verməsi hələlik məlum deyil.
Məsələ ilə bağlı aidiyyəti quruma sorğu ünvanlanıb.
Əzizə İsmayılova
