“Sənaye zonaları üzrə indiyədək ümumilikdə 12,1 milyard manatlıq məhsul istehsal edilib ki, bunun 3,9 milyard manatlıq və ya 32,2%-ə yaxın hissəsi ixrac olunub”.
Oxu.Az xəbər verir ki, bunu İqtisadi Zonaların İnkişafı Agentliyində 2023-cü ilin yekunları ilə bağlı keçirilən mətbuat konfransında agentliyin idarə heyətinin sədri Seymur Adıgözəlov deyib.
O, qeyd edib ki, 2023-cü ildə sənaye zonalarının rezidentləri tərəfindən 3,3 milyard manat dəyərində məhsul satışı həyata keçirilib ki, bunun da 989 milyon manatı ixracın payına düşür:
“2022-ci illə müqayisədə satış 12,5% artıb. Bu dövrdə sənaye zonalarının qeyri-neft sənayesi məhsulları istehsalında xüsusi çəkisi 18,6%, ixracında isə 23,6% təşkil edib. Sənaye zonalarında istehsal olunan məhsullar dünyanın 65-dən çox ölkəsinə (Kanada, ABŞ, BƏƏ, Çin, Hindistan, İsrail, İspaniya, İtaliya, Avstriya, İngiltərə, Braziliya və s. ölkələrə) ixrac edilib.
Ölkəmizin #sənayezonaları-nın rezidentləri tərəfindən indiyədək 12,1 mlrd. ₼-lıq məhsul istehsal edilib və bunun 32,2%-i ixraca yönəlib. 2023-cü ildə sənaye zonalarının rezidentləri tərəfindən məhsul satışı 2022-ci illə müqayisədə 12,5% artaraq 3,3 mlrd. ₼-a çatıb və bunun 989… pic.twitter.com/etTT2FQuOU
— Mikayil Jabbarov (@MikayilJabbarov) February 16, 2024
Nəzrin Vahid