İyunun 26-da gecə saatlarında Şərur rayonunun Aşağı Daşarx kəndində yol-nəqliyyat hadisəsi baş verib.
Hadisə zamanı rayonun Siyaqut kənd sakini, 1993-cü il təvəllüdlü Rahib Ələkbərov və nişanlısı, 1993-cü il təvəllüdlü Şəfəq Məmmədova qəzaya düşüblər.
Nəticədə Rahib Ələkbərov vəfat edib.
Qohumu Murad Bayramovun sözlərinə görə, mərhum toyuna hazırlaşırmış: "Hamımızın fəxri idi, dostumuz idi. İki gün əvvəl nişanı oldu, toyuna hazırlaşırdıq. Dünən də bədbəxt hadisə baş verdi".
Qeyd edək ki, hadisə nəticəsində mərhumun nişanlısı Şəfəq Məmmədova Naxçıvan Mərkəzi Xəstəxanasına yerləşdirilib. Vəziyyəti ağır olaraq qiymətləndirilir.
Ətraflı Baku TV-nin süjetində:
Toylarına hazırlaşan nişanlı cütlüyün planları bir göz qırpımında məhv oldu
09:45
Şərurda qəzaya düşən cütlük nişanlı olub.
Oxu.az "Şərq qapısı"na istinadən xəbər verir ki, ötən gecə rayonun Aşağı Daşarx kəndində baş verən qəzada avtomobildə olan Rahib Ələkbərov və Şəfəq Məmmədova nişanlı olublar.
Hadisə nəticəsində Siyaqut kənd sakini, 1993-cü il təvəllüdlü Rahib Mahir oğlu Ələkbərov vəfat edib. Nişanlısı 1993-cü il təvəllüdlü, Aşağı Daşarx kənd sakini Şəfəq Vahid qızı Məmmədova isə xəsarət alıb.
Qeyd edək ki, gələn həftə cütlüyün toyu olacaqdı.
Əzizə İsmayılova
Şərur rayonunda ölümlə nəticələnən ağır yol-nəqliyyat hadisəsi baş verib.
"Report" xəbər verir ki, hadisə Aşağı Daşarx kəndində qeydə alınıb.
İki avtomobilin toqquşması nəticəsində sərnişin, Siyaqut kənd sakini, 1993-cü il təvəllüdlü Rahib Mahir oğlu Ələkbərov ölüb, 1993-cü il təvəllüdlü Şəfəq Vaqif qızı Məmmədova isə xəsarət alıb.
Yaralı Naxçıvan Muxtar Respublika Xəstəxanasına yerləşdirilib. Kəllə-beyin travması alan Ş.Məmmədovanın vəziyyəti ağır olaraq qiymətləndirilir.
Faktla bağlı araşdırma aparılır.
Rəylər