"Sumqayıt şəhər elektrik şəbəkəsinə daxil olan bir sıra ərazilərdə həyata keçirilən əsaslı təmir işləri yekunlaşıb".
Bu məlumatı Oxu.Az-ın sorğusuna cavab olaraq "Azərişıq" ASC-nin mətbuat katibi Vaqif Aydınoğlu verib.
"İki saata yaxındır ki, işlər yekunlaşıb və elektrik enerjisinin verilməsi təmin edilib", - deyə V.Aydınoğlu qeyd edib.
Əzizə İsmayılova
Sumqayıt şəhər elektrik şəbəkəsinə daxil olan bir sıra ərazilərdə həyata keçirilən əsaslı təmir işləri ilə əlaqədar elektrik xətləri sifarişə əsasən açılıb.
Oxu.Az xəbər verir ki, bu barədə "Azərişıq" ASC-dən məlumat verilib.
Bildirilib ki, bununla əlaqədar bu gün saat 10-dan şəhərin 1-ci və 5-ci mikrorayonlarında, eləcə də bir sıra məhəllələrində elektrik enerjisinin verilişində məhdudiyyət yaranıb. Məhdudiyyətin saat 12-yə qədər davam edəcəyi qeyd edilib.
Təmir işləri yekunlaşdıqdan sonra sözügedən ərazilər elektrik enerjisi ilə tam təmin olunacaq.
Rəylər