Tanınmış müğənnidən ailəsində baş verən faciə ilə bağlı AÇIQLAMA

Gənc müğənni İlkin Fuadın ailəsində bədbəxt hadisə baş verib.

Oxu.Az Baku TV-yə istinadən məlumat verir ki, müğənninin 87 yaşlı nənəsi və 63 yaşlı anası evdə dəm qazından zəhərlənərək dünyasını dəyişiblər.

"Nənəmin təzyiqi olub, anam da onu yoxlamağa gedib. Evdə qaz sobası var idi. Çox güman ki, dəm qazından zəhərləniblər. Mən gələndə nənəm artıq dünyasını dəyişmişdi. Əfsuslar olsun ki, xilas edə bilmədik. Təcili yardıma zəng vurub yalvarmışam, 40 dəqiqədən sonra gəldi. Onda da artıq gec idi", - deyə müğənni İlkin Fuad bildirib.

Ətraflı süjetdə:

Tanınmış müğənnidən ailəsində baş verən faciə ilə bağlı AÇIQLAMA

26 fevral, 15:38

"Respublika Təcili və Təxirəsalınmaz Tibbi Yardım Mərkəzinə 25 fevral saat 23:12-də Xəzər rayonu, Buzovna qəsəbəsi, Ayna Sultanova küçəsi ərazisindən iki nəfərin (qadın cinsli) dəm qazından zəhərlənmə şübhəsi ilə çağırış daxil olub".

Bunu Tibbi Ərazi Bölmələrini İdarəetmə Birliyindən (TƏBİB) Oxu.Az-ın müğənni İlkin Fuadın anası və nənəsinin ölümü ilə bağlı sorğusuna cavab olaraq bildiriblər.

Qeyd olunub ki, çağırış saat 23:19-da ilk azad təcili tibbi yardım briqadasına ötürülüb.

"Çağırış ünvanının qeyri-dəqiqliyi və qeyd olunan kontaktla əlaqə yaratmağın mümkün olmadığı üçün ünvanın tapılmasında çətinlik yaranıb. Buna baxmayaraq, saat 23:36-da briqada hadisə yerinə çatıb.

Təcili tibbi yardım briqadası tərəfindən iki şəxsin (qadın cinsli) həkiməqədər ölüm faktı qeydə alınıb. Lakin ünvanda olan şəxslərin təkidi ilə briqada ölüm faktı qeydə alınan şəxslərdən birini (1962-ci il təvəllüdlü) Kliniki Tibbi Mərkəzin Toksikologiya şöbəsinə hospitalizasiya edib. Tibb müəssisəsində də şəxsin ölüm faktı təsdiq olunub.

Meyitlər hüquq-mühafizə orqanlarının müşayiəti ilə morqa təhvil verilib", - deyə məlumatda qeyd olunur.

Əzizə İsmayılova

10:08

Müğənni İlkin Fuadın ailəsində ağır itki baş verib.

Oxu.Az xəbər verir ki, bu barədə müğənni öz sosial şəbəkə hesabında paylaşım edib.

Belə ki, müğənninin anası və nənəsi vəfat edib.

Onların dəm qazından zəhərləndiyi ehtimal olunur.