Ən son xəbərləri bizim "X" səhifəmizdə izləyin

Təcili tibbi yardım avtomobillərindən ibarət "qəbiristanlıq"la bağlı RƏSMİ AÇIQLAMA
Təcili tibbi yardım (TTY) avtomobillərindən ibarət "qəbiristanlıq" görənlərin təəccübünə səbəb olub.
Oxu.Az xəbər verir ki, həmin TTY avtomobillərinin istismara yararsız olduğu bildirilib.
Məsələ ilə bağlı Tibbi Ərazi Bölmələrini İdarəetmə Birliyindən (TƏBİB) Oxu.Az-ın sorğusuna cavab olaraq fakt təsdiqlənib.
Qeyd olunub ki, Respublika Təcili və Təxirəsalınmaz Tibbi Yardım Mərkəzinin bir sıra stansiya və bölmələrinin həyətində istifadədən kənarda olan ambulanslar mövcuddur.
"Qeyd edək ki, ölkə üzrə təcili tibbi yardım stansiyalarında monitorinq aparılır. Bu proses çərçivəsində bir sıra bölmələrin həyətində park edilmiş və istifadədən çıxarılmış ambulansların balansdan silinməsi istiqamətində işlərə başlanılıb. Artıq 76 ədəd sanitar avtomobilin balansdan çıxarılması üçün müvafiq quruma müraciət olunub və təhvil-təslim prosesi davam etdirilir. Bundan əlavə, bəzi ambulanslar da texniki xidmət göstərilməsi məqsədilə şəhər və rayon üzrə tibb müəssisələrinə təhvil veriləcək.
COP29 zamanı ölkəmizə gətirilən elektrik mühərrikli təcili tibbi yardım avtomobillərinin istifadəyə verilməsi məqsədilə hazırda təhvil-təslim prosesi həyata keçirilir", - deyə məlumatda bildirilir.
Əzizə İsmayılova
"Sakin şikayəti" teqi üzrə xəbərlər
- Avtomobil gətirənlərin nəzərinə: Gömrükdə terminal haqqı ARTIRILIB
- "Məktəbin həyətində şagirddən çox, sahibsiz itləri görmək olur" - ŞİKAYƏT
- Kənd Əhmədlidə çıxılmaz vəziyyət: "Kanalizasiya iyindən durmaq mümkün deyil"
- Mingəçevirdə sahibsiz itlər sakinlər üçün ciddi təhlükə yaradırlar
- İsmayıllıda mal-qaranın tələf olmasına səbəb nədir?