ÜST rəsmisi Azərbaycanda karantinin ləğvindən danışdı

“Azərbaycan koronavirus pandemiyasının sürətlə yayılmasının qarşısının alınması üçün bütün tədbirləri gördü”. 

Oxu.Az xəbər verir ki, bunu onlayn brifinqdə Ümumdünya Səhiyyə Təşkilatının (ÜST) Azərbaycan Nümayəndəliyinin rəhbəri Hande Harmancı deyib.

O qeyd edib ki, qısa zamanda xəstəliyin aşkar edilməsi vacibdir:

“Azərbaycan hökumətinin verdiyi ən vacib qərarlardan biri sərhədlərdən keçən hər bir şəxsin yoxlanılması, karantinə alınması oldu. Daha sonra xəstəxanalarda pnevmoniya ilə yatanlar da yoxlandı.

İzolyasiya və karantin rejimi də önəmlidir. Aprelin 10-dan sonra xəstəliyə yoluxanlarla bağlı nəticələr ümidlənməyə əsas verir. Amma karantinin qaldırılması ilə virus yenidən alovlana bilər və buna diqqət edilməlidir”.

İlhamə Əbülfət