Vaxtından əvvəl doğulan körpələrin küvəzlərdə saxlanılması fantastik məbləğə başa gəlir

Vaxtından əvvəl doğulan körpələrin özəl xəstəxanalarda olan küvəzlərdə saxlanılması yüksək məbləğə başa gəlir.

Xezerxeber.az-ın məlumatına görə, körpəsi vaxtından əvvəl doğulan və ya hamiləliyin erkən həftələrində ağır vəziyyətdə xəstəxanaya gətirilən qadının yaxınları mütləq şəkildə depozit ödəməlidirlər.

Depozit uşağın həftəsi və çəkisinə uyğun olaraq, əsasən 2000-3500 manat arasında dəyişir. Bu məbləğ uşağın küvəzdə olduğu hər gün üçün xərclənir. Yəni vəziyyət ağır olarsa, 2-3 günə də bitə bilər. Küvəzlərin bir günlük qiyməti göstərilən tibbi xidmətlərə görə dəyişir.

Dövlət xəstəxanalarına gəlincə, həm xalq arasında "OMD" kimi tanınan Elmi-Tədqiqat Pediatriya İnstitutundan, həm də Respublika Klinik Xəstəxanasından bildirilib ki, onlarda bütün ağırlıq dərəcələrində olan uşaqları qəbul etmək üçün küvəz, süni tənəffüs aparatı və xidməti tibb personalı var. Dövlət xəstəxanalarında küvəz pulsuzdur. Hətta körpənin özəl xəstəxanadan dövlət xəstəxanasına köçürülməsi də mümkündür.

Ginekoloq Naibə Həsənovanın sözlərinə görə, 5 aylığında doğulmuş körpəni də küvəz şəraitində saxlamaq mümkündür.

Ətraflı süjetdə:

Vaxtından əvvəl doğulan körpələrin küvəzlərdə saxlanılması fantastik məbləğə başa gəlir