Xırdalan şəhəri, Heydər Əliyev prospektində yerləşən restoran vətəndaşların hərəkətini çətinləşdirib.
Baku TV-nin məlumatına görə, obyektin qarşısında saxlanılan avtomobillər də vətəndaşların gediş-gəlişinə mane olur. Nəticədə sakinlər məcbur olub yolun hərəkət hissəsinə çıxırlar.
Xırdalanda problem təkcə bununla bitmir. Şəhərin mərkəzi küçələri sakinlər üçün artıq dözülməz hala gəlib. Buradakı çoxmərtəbəli binalar və bu binaların altında fəaliyyət göstərən ictimai obyektlər vəziyyəti daha da mürəkkəbləşdirir.
Xüsusilə, Heydər Əliyev prospektində daim uzun tıxaclar müşahidə edilir. Sakinlər aidiyyəti qurumlardan problemin həlli istiqamətində müvafiq tədbirlər görmələrini tələb edirlər.
