Azərbaycanda yeni yaradılan cüdo liqalarının fəaliyyətə başlayacağı tarix və keçiriləcəyi məkan müəyyənləşib.
Oxu.Az xəbər verir ki, bu barədə Azərbaycan Cüdo Federasiyasının baş katibinin müavini və idman direktoru Kamran Talıbov mətbuat konfransında bildirib.
"Aprelin 19-20-də U-14, aprelin 21-22-də U-17, mayda isə böyüklər arasında liqalara start veriləcək. Yarışlar ilkin mərhələdə Bakıda keçiriləcək. Növbəti illərdən etibarən isə bölgələrdə də keçirmək istəyirik", - deyə K.Talıbov bildirib.
Qeyd edək ki, yarışlar Abşeron Olimpiya Kompleksində keçiriləcək.
Anar Həsənov
