Hacıqabulda ağır qəza: Avtomobil yoldan çıxaraq aşdı

Dekabrın 30-da Bakı-Qazax yolunun 120 kilometrliyində "Hyundai" markalı, 90-OF-344 dövlət qeydiyyat nişanlı avtomobil idarəetməni itirib, yoldan çıxaraq aşıb.

Bu barədə Oxu.Az-a açıqlamasında Baş Dövlət Yol Polisi İdarəsinin (BDYPİ) rəsmisi polis polkovnik-leytenantı Mübariz Ağayev məlumat verib.

O bildirib ki, baş verən hadisə barədə araşdırma aparılır.

"Bakı şəhər sakini Samir Baxşıyev dekabrın 30 dekabr 2024-cü ildə saat 15:30-da idarə etdiyi "Hyundai" markalı, 90-OF-344 dövlət qeydiyyat nişanlı avtomobillə Bakı-Qazax yolunun 120 kilometrliyində hərəkətdə olarkən idarəetməni itirib. Nəticədə avtomobil yoldan çıxaraq aşıb. Qəza nəticəsində sürücü və avtomobildə olan sərnişin Abdulla Baxşıyev xəsarət alıb. Hazırda bununla bağlı araşdırma aparılır".

10:50

Hacıqabulda ağır yol-nəqliyyat hadisəsi baş verib.

Oxu.Az xəbər verir ki, hadisə dekabrın 31-də Hacıqabul-Bakı istiqamətində qeydə alınıb.

"Hyundai Sonata" markalı, 90-OF-344 dövlət qeydiyyat nişanlı nəqliyyat vasitəsi aşıb. Qəza nəticəsində bir nəfərin ağır xəsarət aldığı deyilir.

Əldə etdiyimiz məlumata görə, avtomobilin sürücüsü yuxuladığı üçün onu idarə etməyi oğluna həvalə edib. Oğlu da yuxulayıb və qəza baş verib.

Hadisə ilə bağlı Baş Dövlət Yol Polisi İdarəsinə (BDYP), həmçinin Tibbi Ərazi Bölmələrini İdarəetmə Birliyinə (TƏBİB) sorğu ünvanlanıb.

Hacıqabulda ağır qəza: Avtomobil yoldan çıxaraq aşdı

Aygün Mirakif