Bakının Sabunçu rayonu, Zabrat-2 qəsəbəsində yerləşən qəbiristanlıq baxımsız haldadır.
Ərazidəki qamışlar qəbirlərin üzərini örtüb və qəbiristanlıq artıq ziyarətolunmaz vəziyyətə düşüb.
Həmçinin ərazidə gölməçə də yaranıb.
Zabrat qəbiristanlığı baxımsız halda: Sakinlər yaxınlarını ziyarət edə bilmirlər
40 mindən çox məzara məkan olan qəbiristanlıq uzun müddətdir, gözdən iraq, təmizlikdən uzaqdır.
Sakinlərin sözlərinə görə, onlar yaxınlarını ziyarət edə bilmirlər, əsas problem qəbiristanlıqdakı gölməçənin qəbirləri suya qərq etməsidir.
Məsələ ilə bağlı Zabrat Bələdiyyəsinin sədr müavini Hikmət Alıyev Azərbaycan Televiziyasına (AzTV) bildirib ki, yaxın zamanda bura maliyyə ayrılsa, məsələ həllini tapa biləcək.
