10 
Mar
2022
12:44
27
106
4050
Virtual karabakh

Martın 10-dan etibarən “CinemaPlus”da nümayiş olunan filmlərin SİYAHISI - VİDEO

10 Mar, 2022
12:44
4050

Martın 10-dan etibarən “CinemaPlus”da nümayiş olunan filmlərin SİYAHISI - VİDEO

Bizim WhatsApp kanalımıza buradan abunə ola bilərsiniz

Martın 10-dan etibarən “CinemaPlus” kinoteatrlar şəbəkəsində nümayiş olunan filmlərin siyahısı açıqlanıb.

“CinemaPlus” kinoteatrlar şəbəkəsində martın 10-dan “Paramount Pictures” studiyasının “Muzdlu” döyüş trillerinin nümayişi başlayır.

Filmin rejissoru Tarik Salehdir. Baş rolları isə Kris Payn, Ben Foster və Gillian Ceykobs ifa ediblər. Filmin müddəti 115 dəqiqədir və 18 yaşdan yuxarı şəxslər üçün nəzərdə tutulub.

Film haqqında qısa məlumat:

Orduda xidmət etmək Ceyms Ridin uşaqlıqdan arzusu olub və yaşıl beret onun üçün qürur mənbəyidir. Lakin aldığı xəsarətlərdən sonra o, işdən kənarda qalır: onun dinc cəmiyyətdə yeri yoxdur və sağlamlığını həmişə “təmiz” olmayan dərmanlarla təmin etmək lazımdır. Köhnə sənəti yenidən mənimsəmək fürsəti yarandıqda, keçmiş əsgər tərəddüd etmir. Amma indi silahı kimə yönəltmək seçimi tamamilə ondan asılıdır.

“CinemaPlus” kinoteatrlar şəbəkəsində türk xalqının tarixinin ən əlamətdar hadisələrindən birinə həsr olunmuş “Malazgirt 1071” türk tarixi döyüş filminin nümayişinə başlayır.

Filmin rejissorları Özgür Bakar və Bilal Kalyoncudur. Baş rolları Cengiz Coşkun, Haluk Piyes və Caner Kurtaran ifa ediblər. Filmin müddəti 140 dəqiqədir və 14 yaşdan yuxarı şəxslər üçün nəzərdə tutulub.

Film Anadolunun türklərin yurduna çevrildiyi Malazgirt döyüşünün tarixindən bəhs edir. 26 avqust 1071-ci ildə baş verən Malazgirt döyüşü böyük Səlcuq hökmdarı Alp Arslan ilə Bizans imperatoru IV Roman Diogen arasında olmuşdur. Bu döyüş Alp Arslanın qələbəsi ilə başa çatdı.

“CinemaPlus” kinoteatrlar şəbəkəsində türk qorxulu filmi “İlk Seans NMSM” nümayişinə başlayır.

Filmin rejissoru Gökhan Murat Toktamışoğludur. Baş rolu Eylül Ezgi Yılmaz ifa edib. Filmin müddəti 60 dəqiqədir və 18 yaşdan yuxarı şəxslər üçün nəzərdə tutulub.

Film haqqında qısa məlumat:

Aslı fobiyalarına görə psixoloji müalicə alır. Uşaqlıqdan ögey atasının yaratdığı fobiyaların öhdəsindən gəlmək üçün mübarizə aparırdı. Qaranlıq qorxusu, infeksiya qorxusu, kölgə qorxusu və siçan qorxusu üstünlük təşkil edir. Bir gecə evə gedərkən taksi tapa bilmədi və metroya minmək məcburiyyətində qaldı.

Biletləri kinoteatrlar şəbəkəsinin kassalarından, kinoteatrın saytından mobil tətbiqindən, IOSAndroid əməliyyat sistemi olan smartfonlar vasitəsilə əldə edə bilərsiniz.

Daha ətraflı məlumatı sosial şəbəkələrdən və ya 012 499 89 88 və 119 nömrələrinə zəng edərək əldə edə bilərsiniz.

Bizimlə əlaqə saxlayın

Digər CineMastercard xəbərləri