2022-ci ildə salınan "Park Yasamal Yaşayış Kompleksi"nin sakinləri illərdir həmin ərazidə natəmiz şəraitdə yaşayıblar. Qeyd edilən ilə qədər kompleksin salındığı ərazidə sakinlərin evləri ilə yanaşı, müxtəlif dəri sexləri və donuz fermaları fəaliyyət göstərib. Kanalizasiya sistemi mövcud olmadığından çirkab sular ərazi boyu axaraq Qanlıgölə tökülüb.
Oxu.Az xəbər verir ki, Real TV-yə danışan sakin Səyyarə İmanova bildirib ki, 40 ilə yaxın bu ərazidə yaşayıb:
"Uşaqlıqdan eşidirdim ki, bura söküləcək, ev tikəcəklər və s. Deyirdim ki, buraya kimdir gələn, burada ilan mələyir, kimdir burada ev tikən, yaşayan?! Heç vaxt ağlımıza gəlməzdi ki, belə gözəl layihə tikilər, yaşıllıq salınar, futbol meydançası, gül-çiçək, maşın saxlamaq üçün qarajı olar. Yəni bir insanın yaşamağı üçün hər bir şərait yaradılıb. Gəl, qapının açarlarını al, içəri gir və yaşa".
Digər sakin Zaur Kərimov isə qeyd edib ki, köçdüyü ev çox əlverişlidir:
"Mən 1 ay 10 gündür ki, buraya köçmüşəm, bura çox rahatdır. Hər şeydən razıyıq".
Qeyd edək ki, hazırda "Kristal Abşeron" tərəfindən "Park Yasamal" layihəsinin 3-cü mərhələsinin tikintisi davam edir. Layihədə həm yaşayışa hazır, həm də tikilməkdə olan binalarda satış aparılır.
Sözügedən videomaterialı təqdim edirik:
