"Kontakt"da dünyaca məşhur "OPPO Find X8" seriyası satışa çıxdı

"Kontakt" dünyaca məşhur "OPPO Find X8" smartfon seriyasını Azərbaycana gətirib. Belə ki, bir neçə gün əvvəl "Kontakt" və "OPPO" brendinin birgə əməkdaşlığı ilə yeni smartfon - "OPPO Find X8"in sadə və "PRO" versiyası təqdim olunub.

Tədbirə "OPPO" brendinin Mərkəzi Asiya üzrə baş direktoru David Lyu da qatılıb. Bakıya ilk dəfə gələn Lyu çıxışı zamanı "Kontakt"la əməkdaşlıq etməkdən çox məmnun olduğunu və yeni "OPPO Find X8" seriyasının üstünlüklərini vurğulayıb.

"OPPO Find X8" seriyasının innovativ xüsusiyyətləri

Brendin yeni flaqman smartfonu olan "OPPO Find X8" seriyası müxtəlif cür süni intellekt sistemləri, ultra güclü batareya ömrü və yüksək pikselli kamera parametrləri ilə dünyada məşhur smartfonları geridə qoyub. Hətta, smartfonun "PRO" versiyası suyadavamlılığı ilə də diqqət çəkib. Bu funksiya təqdimatda hər kəsin gözü önündə - canlı şəkildə sınaqdan keçirilib.

Təqdimatda iştirak edən qonaqlar və bir çox inflüenserlər demo zonalarda smartfonun müxtəlif funksiyalarını əyani şəkildə yoxlaya biliblər. Bu rəylərə əsasən, ən çox bəyənilən məqamlardan biri "OPPO Find X8 Pro" modelinin teleskopik zum funksiyası olub. Yəni, smartfon ən uzaqdakı obyektləri belə aydın şəkildə göstərə bilir.

Bunun kimi bir çox funksiyalar istər texnologiya sevərlər, istərsə də gündəlik həyatı asanlaşdıran smartfon axtaranlar üçün əvəzolunmaz seçimdir. "OPPO Find X8" seriyası ilə yaxından tanış olmaq istəyən hər kəs "Kontakt" mağazalarına və ya kontakt.az saytına baş çəkə bilər.