"Sevinc Mall"da "McDonald's Azərbaycan"ın yeni restoranı açılıb

"McDonald"s Azərbaycan"ın sayca 29-cu restoranının açılışı "Sevinc Mall" ticarət və əyləncə mərkəzində baş tutub.

Restoran metronun "Qara Qarayev" stansiyasının yaxınlığında, Tofiq Abbasov küçəsi 5 ünvanında yerləşir.

Estetik cəlbediciliyi və funksionallığı özündə birləşdirən müasir "Ray" üslubunda dizayn edilmiş yeni restoran qonaqlar üçün sifariş prosesini asanlaşdıran özünəxidmət köşkləri ilə təchiz edilib.

Bu restoranın açılması ilə 60 yeni iş yeri yaradılıb.

Azərbaycan iqtisadiyyatına investisiya yatıran ilk beynəlxalq brendlərdən biri olan "McDonald's" 25 il ərzində yerli istehsalın genişləndirilməsinə töhfə verərək ölkənin qeyri-neft sektorunun inkişafını fəal şəkildə dəstəkləyir. Təchizat və logistika, rekruitment, informasiya texnologiyaları, marketinq və s. kimi müxtəlif sahələri təmsil edən 100-dən çox Azərbaycan şirkəti ilə əməkdaşlıq edən "McDonald's" yerli podratçılarla əməkdaşlığa xüsusi önəm verir.

Qonaqlar üçün müasir şərait yaradan, yüksək keyfiyyət və xidmət standartlarına sadiqliyini gücləndirən "McDonald's" öz şəbəkəsini genişləndirməyə davam edir.