Amerika Birləşmiş Ştatlarının Ədliyyə Departamentinin tələbi ilə Vaşinqton şəhərindəki Abraham Linkoln abidəsinin önündəki hovuza zərər vurmaqda şübhəli bilinən keçmiş olimpiyaçı barəsində başlanmış cinayət işi ləğv edilib.
Oxu.Az xəbər verir ki, bu məlumatı "The Washington Post" nəşri ABŞ Ədliyyə Nazirliyinin açıqladığı rəsmi sənədlərə əsaslanaraq yayıb.
Təqdim edilən sənədlərə əsasən, hovuza dəyən zərər ABŞ-nin 250 illiyinin iyul ayında qeyd olunması ərəfəsində aparılan tələsik və keyfiyyətsiz təmir işləri səbəbindən yaranıb. Örtüyün qopması, ehtimal ki, fəhlələrin onu tətbiq edərkən buraxdıqları səhvlər ucbatından baş verib, "The Wall Street Journal" qəzeti iyulda aparılan təhlil nəticəsində belə qənaətə gəlib.
ABŞ Prezidenti Donald Tramp daha öncə su anbarının dibindəki qatın zədələnməsinə görə ehtimal olunan vandalları ittiham etmişdi. Daha sonra rəsmi qurumlar bu əmələ görə ABŞ olimpiya komandasının xizək slalomu üzrə sabiq idmançısı Devid Herni günahkar bilmişdilər və onu 10 ilə qədər azadlıqdan məhrumetmə cəzası gözləyirdi.
