Tanınmış amerikalı televiziya aparıcısı və daşınmaz əmlak investoru Tarek El Mussa xərçəng xəstəsi olduğunu tamaşaçının məktubu sayəsində öyrənib.
Oxu.Az xəbər verir ki, aparıcı bu barədə sosial şəbəkə hesabında paylaşım edib.
"Mən Texasdan olan tibb bacısıyam. Tarekin boynunda yumruluq hiss etdim. Bu, zarafat deyil, onu müayinədən keçirmək lazımdır", - tamaşaçının yazdığı məktubda bildirilib.
Bundan sonra Mussa həkimə gedib və həmin hissəni biopsiya etdirib. Müayinələrin nəticəsi televiziya ulduzunun qalxanabənzər vəzi xərçəngi olduğunu üzə çıxarıb və o, əməliyyat olunub.
Məşhur aparıcı onkoloji xəstəliklərdən əziyyət çəksə də, heç vaxt televiziyadan ayrılmaq barədə düşünmədiyini də vurğulayıb.
