Kristi Noem və onun həyat yoldaşı arasında ehtimal edilən ayrılıqla bağlı aylarla davam edən şayiələrdən sonra bu məlumat rəsmən təsdiqini tapıb. ABŞ-nin sabiq daxili təhlükəsizlik naziri Cənubi Dakota ştatında boşanmaq üçün sənədləri təqdim edib.
Oxu.Az xəbər verir ki, bu barədə "USA Today" nəşri məlumatlı mənbələrə istinadən məlumat yayıb.
Noem ayrılığın səbəbi kimi həyat yoldaşı ilə aradan qaldırıla bilməyən fikir ayrılıqlarını göstərib. Sabiq nazirin vəkili ABŞ mətbuatına verdiyi müsahibədə faktı təsdiqləyib və əlavə detalları şərh etməyəcəyini vurğulayıb.
Qeyd edək ki, 1992-ci ildə ailə həyatı qurmuş Noem cütlüyünün üç övladı var.
Xatırladaq ki, ABŞ lideri Donald Trampa ən sadiq şəxslərdən biri hesab olunan Kristi Noem 2026-cı ilin martında daxili təhlükəsizlik naziri postunu tərk etmək məcburiyyətində qalmışdı. Bu istefadan əvvəl onun Minnesota ştatında miqrantlara qarşı əməliyyatdakı rolu ilə bağlı kəskin mübahisələr yaşanmışdı.
