Ağ Ev Hörmuz boğazına görə ABŞ və İran arasında çoxgünlük, hətta çoxhəftəlik zərbə mübadiləsinin baş verə biləcəyinə hazırlaşır.
Oxu.Az xəbər verir ki, bu barədə "Axios" mənbələrə istinadən məlumat yayıb.
ABŞ rəsmilərinin sözlərinə görə, hazırkı gərginlik İranın Hörmuz boğazında ticarət gəmilərinə hücumlarını davam etdirib-etdirməməsindən asılı olaraq bir-iki gün, bir həftə və ya bir ay davam edə bilər.
Mənbələr bildirirlər ki, Ağ Evin fikrincə, ABŞ-nin eskalasiya üçün daha çox imkanı var, çünki son həftələrdə yüzlərlə neft tankeri Meksika körfəzindən boğaz vasitəsilə çıxa bilib.
Bu isə öz növbəsində administrasiya daxilində münaqişənin yenidən alovlanmasının dərhal neft qiymətlərinin kəskin sıçrayışına səbəb olacağı ilə bağlı narahatlıqları azaldıb.
Bildirilib ki, hazırkı eskalasiya parçalanmış İran rəhbərliyi daxilindəki ən radikal nümayəndələrin məyusluğu ilə bağlıdır. Onlar hesab edirlər ki, qarşılıqlı anlaşma memorandumu Tehrana real fayda gətirməyib.
Bildirilir ki, İran hökuməti planlaşdırılan iqtisadi qazancları, xüsusilə də dondurulmuş maliyyə vəsaitlərinə çıxış və neft satışının tam şəkildə bərpa edilməsi imkanlarını əldə edə bilməyib. Məhz bu səbəbdən tərəflər arasında gərginlik yenidən baş qaldırıb.
