Demokratların rəhbərlik etdikləri ABŞ-nin 25 ştatından ibarət koalisiya idxal mallarına yeni tariflərin tətbiq edilməsi ilə əlaqədar Prezident Donald Tramp Administrasiyasına qarşı iddia qaldırıb.
Oxu.Az-ın DW nəşrinə istinadla verdiyi məlumata görə, iddiaçı ştatlar 60 tərəfdaş ölkədən idxal olunan və ümumi ABŞ idxalının 99.4 faizini təşkil edən məhsullara qoyulan 10 və 12.5 faizlik rüsumlara etiraz edirlər.
Ştatlar tariflərin qanunsuz sayılmasını, ləğvini və ödənilmiş rüsumların geri qaytarılmasını tələb edir.
Vaşinqton qərarını məcburi əməkdən istifadə etməklə istehsal oluna bilən malların idxalına qarşı mübarizə aparmaq zərurəti ilə izah edib.
Lakin ştatlar koalisiyası iddia edib ki, bu arqumentlər ABŞ Ali Məhkəməsinin əvvəllər administrasiyanın ilkin tarif tədbirlərini ləğv etməsindən sonra geniş tariflər tətbiq etmək üçün sadəcə bir bəhanədir.
"Ali Məhkəmədə uduzduqdan sonra administrasiya yeni tariflər raundu vasitəsilə ailələr və müəssisələr üçün vergiləri yenidən qanunsuz olaraq artırmağa çalışır", - deyə Nyu-Yorkun baş prokuroru Letisiya Ceyms bildirib.
Ağ Ev ittihamları rədd edərək bildirib ki, ölkə öz qanuni səlahiyyətlərindən istifadə edərək Amerika işçilərinə və şirkətlərinə zərər verən ticarət təcrübələrini aradan qaldıracaq.
