ABŞ-nin maliyyə naziri: "Zelenski üç dəfə vəd versə də, sazişi imzalamayıb"

ABŞ-nin maliyyə naziri Skott Bessent bildirib ki, Ukrayna Prezidenti Volodomir Zelenski faydalı qazıntılar haqqında sazişi imzalamağı üç dəfə vəd etsə də, sözünün üstündə durmayıb.

Oxu.Az censor.net-ə istinadla xəbər verir ki, bunu S.Bessent jurnalist Taker Karlsona müsahibəsində deyib.

"O, Oval kabinetə qədər gəlib çıxdı və dünyada ən yüngül iş olacaq şeyi məhv etdi. Zelenski həmin gün sazişi imzalamaq əhval-ruhiyyəsində idi, amma nəticədə etmədi", - deyə o bildirib.

S.Bessent əlavə edib ki, Ukrayna lideri sazişi Münhendə imzalamaq vədini verib. Amma bu, reallaşmayıb.