Kaliforniya ştatının Klermont şəhərində (ABŞ) yaşayan 48 yaşlı Vanessa Conson etiraf edib ki, ölmüş itini klonlaşdırmaq üçün onminlərlə dollar xərcləyib.
Oxu.Az xəbər verir ki, bu barədə "People" məlumat yayıb.
2024-cü ilin dekabr ayında amerikalı qadının iti Oliver ikiillik aqressiv xərçənglə mübarizədən sonra ölüb.
Qadın depressiyaya düşüb, işini atıb, yeməkdən imtina edib və yuxusu kəsilib. O, bir müddət sonra klonlaşdırma üçün "Viagen" şirkətinə müraciət edib. Prosedur Consona 50 000 dollara başa gəlib.
