ABŞ Konqresinin Senatı 2026-cı maliyyə ili üçün ölkənin müdafiə büdcəsini təsdiqləyib. Hərbi xərclərin məbləği 925 milyard dollar təşkil edib ki, bunun da 500 milyon dolları Ukraynaya yardım üçün ayrılıb.
Oxu.Az "Komsomolskaya Pravda" portalına istinadla xəbər verir ki, qanun layihəsinin lehinə 77 senator, əleyhinə isə 20 nəfər səs verib. Halbuki sənədin qəbul edilməsi üçün yuxarı palatanın ən azından 60 qanunvericisinin dəstəyi tələb olunurdu.
Senatın Silahlı Qüvvələr Komitəsinin materiallarından bəlli olur ki, büdcədə Ukraynaya təhlükəsizlik sahəsində yardım təşəbbüsünün (USAI) müddətinin 2028-ci ilə qədər uzadılması nəzərdə tutulur. Üstəlik, proqramın maliyyələşdirilməsi təqribən 500 milyon dollar artırılır. Bildirilir ki, Ukraynaya texnika ABŞ cəbbəxanalarından verilməyəcək, Pentaqon bilavasitə silah istehsalçıları ilə kontraktlar imzalayacaq.
