ABŞ-nin Kentukki Universitetinin yataqxanasının yaxınlığında naməlum şəxs insanlara atəş açıb. Nəticədə bir tələbə ölüb, bir neçə nəfər yaralanıb.
Oxu.Az-ın xəbərinə görə, ştatın qubernatoru Endi Beşir "X" hesabında hadisəni təsdiqləyib.
"Biz Frankfortdakı Kentukki Universitetində baş verən atışmadan xəbərdarıq. Hazırda bir neçə zərərçəkənin olduğu məlumdur. Hadisə yerində hüquq-mühafizə orqanları işləyir, şübhəli həbs edilib. Zərərçəkən hər kəs üçün dua edək", - deyə qubernator yazıb.
Hadisənin baş vermə səbəbi və zərərçəkənlərin vəziyyəti ilə bağlı hələlik açıqlama verilməyib.
