Almaniya İkinci Dünya müharibəsindən sonra ilkə imza atdı

Almaniya zirehli tank briqadasının Litvada rəsmən xidmətə başlaması mərasimi keçirilib.

Oxu.Az DPA-ya istinadla xəbər verir ki, 45-ci zirehli tank briqadasının yerləşdirilməsinə hələ ötən il başlanılıb.

Hərbi bölmədə xidmət aparacaq şəxsi heyətin 5 min nəfərdən ibarət olacağı planlaşdırılır. Onlar Litva-Belarus sərhədindən təqribən 30 kilometr aralıdakı Rudninkay poliqonunda tikiləcək kazarmalarda qalacaqlar.

Hazırda Litvada 150 alman hərbi qulluqçusu var, ilin sonuna kimi onların sayı 500-ə çatacaq.

Bildirilir ki, bu, İkinci Dünya müharibəsindən sonra Almaniyanın xaricdə ilk daimi qoşun yerləşdirməsi faktıdır.