Argentinalı diplomat BMT-nin növbəti baş katibi olmaq isəyir

Argentinalı diplomat və Beynəlxalq Atom Enerjisi Agentliyinin (BAEA) baş direktoru Rafael Qrossi Birləşmiş Millətlər Təşkilatının (BMT) baş katibi vəzifəsinə namizədliyini irəli sürmək niyyətini təsdiqləyib.

Oxu.Az-ın xəbərinə görə, bu barədə "La Nacion" qəzeti məlumat verib.

Bu vəzifə 2026-cı ildə portuqaliyalı Antonio Quterreşin səlahiyyət müddəti bitdikdən sonra vakant olacaq.

Rafael Qrossinin sözlərinə görə, Quterreşin xələfinin seçilməsi prosesi 2025-ci ilin sonunda, BMT Baş Assambleyası çərçivəsində müvafiq müraciət dərc ediləcəyi vaxt başlayacaq.

"Mən bu barədə düşünürəm və çox ciddi düşünürəm. Hələlik bu barədə ancaq bunu deyə bilərəm", - deyə Qrossi Argentina Beynəlxalq Münasibətlər Şurasının (CARI) iclasında bildirib.

Qrossinin sözlərinə görə, onu beynəlxalq təşkilatın baş katibi vəzifəsinə namizəd kimi irəli sürmək Argentina üçün şərəf olardı.