Avropa qorxu içində: Putinlə Tramp arasında telefon danışığı nə ilə bitəcək?

Avropa ölkələrinin rəhbərləri Rusiya lideri Vladimir Putin və ABŞ Prezidenti Donald Tramp arasında telefon danışığı ərəfəsində qorxudan "titrəyir"lər, çünki nəticələr qitədə təhlükəsizliyə "dağıdıcı" təsir göstərə bilər.

Oxu.Az xəbər verir ki, bu barədə "Bild" qəzeti məlumat yayıb.

Qeyd olunur ki, Kiyevdə Trampın Rusiya qoşunlarının hələ nəzarət etmədiyi ərazilərin Moskvaya keçməsinə razılaşa biləcəyindən qorxurlar. Finlandiya, Estoniya, Latviya, Litva və Polşa da ABŞ qoşunlarının Avropadan çıxarılmasından və bir neçə il ərzində Rusiya ordusunun hücumundan qorxurlar. Bununla əlaqədar olaraq, bu ölkələr son həftələrdə Piyadalara Qarşı Minalara Qadağa Konvensiyasından çıxmağa hazır olduqlarını bəyan ediblər.

Qəzet yazır ki, Paris və London ən pis ssenariyə hazırlaşır. Buna görə də, onların Moskvanın iradəsinə zidd olaraq sülhməramlılar göndərmək planları getdikcə əsaslı şəkil alır.

Xatırladaq ki, Putin və Tramp arasında telefon danışığının martın 18-də baş tutacağı gözlənilir.

Avropa qorxu içində: Putinlə Tramp arasında telefon danışığı nə ilə bitəcək?