Avropada "Tesla"nın satışları minimuma endi

Avropada "Tesla" elektrikli avtomobili satışları 45 faiz azalıb.

Oxu.Az xəbər verir ki, "Bloomberg" bu barədə Avropa Avtomobil İstehsalçıları Assosiasiyasının (ACEA) məlumatlarına istinadən məlumat verib.

Qeyd olunur ki, yanvar ayında regionda satışlar son iki ilin minimum səviyyəsinə düşüb: İlon Maskın şirkəti bir il əvvəl 18.161 avtomobil satdığı halda, cəmi 9 945 avtomobil sata bilib. Bununla yanaşı, bütövlükdə elektriklə işləyən avtomobillərin satışı 37 faiz artıb.

"Tesla" Almaniyada bir ayda cəmi 1 277 yeni avtomobil qeydiyyata alıb ki, bu da 2021-ci ilin iyulundan bəri ən aşağı göstəricidir. Fransada satışlar 63 faiz azalıb ki, bu da 2022-ci ilin avqustundan bəri ən pis nəticədir. Böyük Britaniyada "Tesla" Çinin "BYD" şirkətindən daha az avtomobil qeydiyyatdan keçirib. Yerli bazarda satış 42 faiz artıb, İlon Maskın şirkətinin nəticələri isə səkkiz faiz azalıb.