Avstraliyada məhkəmə instansiyası "Fortescue" şirkəti barəsində qərar çıxararaq, icazəsiz mədən işlərinə görə aborigenlərə 100 milyon dollardan artıq təzminat verilməsi barədə hökm çıxarıb.
Oxu.Az xəbər verir ki, bu barədə ABC telekanalı məlumat yayımlayıb.
Telekanalın xəbərinə əsasən, Endryu Forrestə məxsus "Fortescue" şirkəti tərəfindən Qərbi Avstraliyanın şimalında yaşayan İncibarndi yerli xalqının ərazilərində qanunsuz mineral çıxarılması səbəbindən Federal Məhkəmə tərəfindən onlara 150.1 milyon Avstraliya dolları (təxminən 108.4 milyon ABŞ dolları) həcmində kompensasiya ayrılması barədə qərar qəbul olunub.
Bununla belə, telekanal vurğulayıb ki, qəbilə rəhbərləri çıxarılan bu qərarla razılaşmayıblar. Onların fikrincə, təyin edilən ödəniş "Fortescue" şirkətinin həmin ərazilərdə qazandığı onmilyardlarla dollarlıq gəlirlə müqayisədə olduqca cüzidir. Qeyd edək ki, aborigenlər şirkətdən təqribən 1.3 milyard dollar məbləğində təzminat tələb edirdilər.
Hər halda, çıxarılan bu məhkəmə qərarı tarixi bir hadisə kimi qiymətləndirilir. Bu, Avstraliya tarixində ölkənin yerli xalqlarına ödənilməsi nəzərdə tutulan ən irihəcmli kompensasiya məbləği kimi qeydə alınıb.
