Avstraliyada yeni hökumətin andiçmə mərasimi keçiriləcək

Mayın 13-də Avstraliyanın 3 may 2025-ci ildə keçirilən seçkidən sonra formalaşan yeni hökumətinin andiçmə mərasimi baş tutacaq.

Oxu.Az gazeta.ru-ya istinadən xəbər verir ki, bu barədə jurnalistlər qarşısında çıxışı zamanı ölkənin baş naziri Entoni Albaneze bildirib.

Onun lideri olduğu Avstraliyanın Leyborist Partiyası ölkənin Federal Nümayəndələr Palatasında 92 yer qazanıb. Bu, Albanezeyə öz fraksiyasının üzvlərindən ibarət hökumət qurmağa imkan verir.

Albaneze qeyd edib ki, əvvəlki kabinetdən olan əsas nazirlər öz vəzifələrini yerinə yetirməyə davam edəcəklər.