Bakıda doğulmuş afrikalı milyarder: “Pandemiya dövründə qadın olmaq...” - FOTO

“Pandemiyanın ortasında bir qadın olmaq ... asan deyil!”.

Oxu.Az-ın xəbərinə görə, bunu Anqolanın sabiq prezidenti Juze Edvardu dus Santuşun qızı, Afrikanın milyarder xanımı İzabel deyib. Altı gün sonra Bakıda doğulmasının 47-ci ilini qeyd edəcək İzabel dus Santuş pandemiya dövründə qadın olmağın asan iş olmadığına “Instagram” vasitəsilə diqqət çəkməyə çalışıb:

“Evimizi nəzarətə götürməliyik, işimizi qorumalıyıq, ailəmizin təhlükəsizliyini təmin etməliyik. Pandemiya dövründə qadın olmaq öz nəslini təhlükədən qoruyan ana şir olmaqdır. Şükürlər olsun ki, biz afrikalı qadın kimi güclü, dözümlü, cəsarətliyik. Biz birlikdə ayaq üstə qalacağıq”.

 

 

 

 

View this post on Instagram

 

 

 

 

 

 

 

 

 

Ser mulher no meio de uma pandemia... não é fácil! Temos de assumir o controlo do lar, manter os nossos trabalhos, assegurar que a nossa família está segura. Ser mulher em tempo de uma pandemia é ser mãe leoa que protege as suas crias do perigo. Graças a Deus que mulher africana é forte, resistente, corajosa. Estamos juntas 💪🏾👩🏽‍🦱 #SharingbyIsabeldosSantos #women #proudlyAfrican #Africa #covid19 #BeStrong #BeSafe #StayHome #womenempowerment #TuesdayThoughts Being a woman in the middle of a pandemic ... it's not easy! We have to take control of our home, maintain our jobs, ensure that our family is safe. To be a woman in time of a pandemic is to be a mother lioness who protects her offspring from danger. Thank goodness that we African woman are strong, resistant, courageous. We stand together 💪🏾👩🏽‍🦱

A post shared by Isabel Dos Santos (@isabel_dos_santos.me) on Apr 14, 2020 at 3:59am PDT

Xatırladaq ki, İzabel 1969-1973-cü illərdə indiki Azərbaycan Dövlət Neft və Sənaye Universitetində (keçmiş Azərbaycan Dövlət Neft Akademiyası – S.M.) təhsil alan Juze Edvardu dus Santuşla rus Tatyana Kukanovanın nikahı zamanı Bakıda doğulub. Atası 1979-2017-ci illərdə Anqolanın üçüncü prezidenti olub.

Məşhur “Forbes” jurnalı 2013-cü ildəki araşdırmasına görə, 2 milyard dollara sahib olan İzabel dus Santuşu Afrikanın ilk qadın milyarderi adlandırıb. Lakin atasının prezidentliyi dönəmində ölkə xəzinəsinə vurduğu maddi ziyana görə Portuqaliya və Anqola prokurorluğu onun bütün bank hesablarını dondurub.

Səbuhi Musayev