Böyük Britaniyanın müdafiə naziri Con Hili istefa verib.
Oxu.Az xəbər verir ki, bu barədə nazirin sosial şəbəkə hesabında paylaşdığı məktubda qeyd olunub.
Bildirilir ki, Hilinin istefasının əsas səbəbi müdafiə xərcləri ətrafında yaranan fikir ayrılıqlarıdır.
Birləşmiş Krallığın Baş naziri Kir Starmerin ünvanına yazılmış müraciətdə deyilir:
"Siz artan təhdidlər şəraitində ölkənin müdafiəsi üçün zəruri olan resursları təmin edə bilmədiniz. Xəzinədarlıq Nazirliyi isə maliyyə vəsaiti ayırmaq istəmədi".
Bununla yanaşı, Hili vəzifəsindən ayrılmaq qərarını "dərin təəssüf hissi və böyük istəksizliklə" qəbul etdiyini də vurğulayıb.
Xatırladaq ki, Starmerin siyasi fəaliyyəti ilə razılaşmayan nazirlərin istefası mayın 12-dən başlayıb, nazir müavinlərinin vəzifələrindən getməsi ilə davam edib və nazirlərin istefası ilə müşayiət olunub. Səhiyyə naziri ilə Starmerin mübarizəsi də istefa ilə yekunlaşıb.
