Braziliyada 16 yaşlı qapıçı meydanda öldü - ANBAAN VİDEO

Braziliyanın Amazonas əyalətində 16 yaşlı həvəskar qapıçı Edson Lopes Qama sinəsinə top dəydikdən sonra ölüb.

Oxu.Az xəbər verir ki, bu barədə "Marca" məlumat yayıb.

Məlumata görə, yeniyetmə məşq zamanı penaltini dəf edib, zərbələrdən birindən sonra top onun diafraqma nahiyəsinə dəyib və qapıçı ot örtüyünə yıxılıb.

Qeyd olunur ki, gənc on saatdan çox kənd yolları ilə Mauesdəki xəstəxanaya aparılıb və orada dünyasını dəyişib.

Yeniyetmənin dəfn mərasimində ailəsi onun dəstəklədiyi klub olan "Qremio"nun formasını geyinib.