İngiltərə Premyer Liqası: "Mançester Yunayted"dən möhtəşəm geridönüş

İngiltərə Premyer Liqasında 21-ci tura yekun vurulub.

Oxu.Az xəbər verir ki, turun son qarşılaşmasında "Mançester Yunayted" doğma meydanda yarış cədvəlinin sonuncusu "Sauthempton"u qəbul edib.

Oyunda hesabı ilk hissənin sonlarında qonaqlar açıblar. Lakin "qırmızı şeytanlar" oyunun son dəqiqələrində ardıcıl 3 qolla geridönüş etməyi bacarıblar - 3:1. Hər üç qola Amad Diallo imza atıb.

Hazırda mankunianlar turnir cədvəlində 26 xalla 12-ci, "Sauthempton" isə cəmi 6 xalla 20-ci pillədə qərarlaşıblar.