"Brent" dördillik minimumu yenilədi: Qiymət barel üçün 60 dollara düşdü

London ICE birjasında 2025-ci il iyun tədarükü ilə "Brent" markalı neft füçersinin dəyəri 25 mart 2021-ci ildən bəri ilk dəfə bir barel üçün 61 dollardan aşağı düşüb.

Oxu.Az-ın məlumatına görə, bunu ticarət məlumatları göstərir.

Bakı vaxtı ilə saat 04:00-a olan birja məlumatlarına görə, "Brent"in qiyməti 5.39% azalaraq bir barel üçün 60.89 dollara düşüb.

Bakı vaxtı ilə 04:22-yə "Brent" füçersi azalmanı yavaşladıb və bir barel üçün 60.98 dollar səviyyəsində ticarət olunub (-5.25%), may 2025-ci il tədarükü ilə WTI markalı neft füçersi isə 6.52% azalaraq bir barel üçün 57.54 dollara düşüb.

01:18

Londonun ICE birjasında "Brent" markalı neftin iyun füçerslərinin qiyməti 3.79 faiz aşağı düşərək bir barelə görə 61.78 dollar səviyyəsinə qədər enib.

Oxu.Az RBK-ya istinadla xəbər verir ki, "Brent" markalı neft 2021-ci il aprelin 7-dən bəri ilk dəfə bir barelə görə 62 dollar səviyyəsindən aşağı satılır.

Bildirilir ki, ABŞ Prezidenti Donald Trampın administrasiyası Çinlə ticarət qarşıdurmasını gücləndirmək qərarına gəldikdən sonra neft ucuzlaşıb.