Britaniya Ukraynanın Rusiyaya "Storm Shadow" raketləri atmasına icazə verib

Britaniya Ukraynanın Rusiyaya "Storm Shadow" raketləri atmasının əleyhinə deyil, lakin ABŞ ilə konfrontasiyaya getməmək üçün bu barədə açıq şəkildə çağırış etməyəcək.

Oxu.Az xəbər verir ki, "The Telegraph" nəşri bu barədə Britaniya hökumətinə yaxın mənbələrə istinadən məlumat yayıb.

Məlumatda qeyd olunub ki, bu cür raketlər Vaşinqtondan icazə tələb edən məxfi ABŞ sistemləri ilə idarə olunur.

Həmçinin Ağ Evdəki mənbə qəzetə bildirib ki, Co Baydenin administrasiyası hesab edir ki, ABŞ-nin icazəsi olmadan sözügedən raketlərin istifadəsi vəziyyəti gərginləşdirə və ABŞ qoşunlarının münaqişəyə cəlb olunmasına gətirib çıxara bilər.